Stóðhestar 2010

31. ágúst 2010

Í ár sinnti Baldur frá Skúfslæk merum á Geitaskarði, en sá er undan Kjarna frá Þjóðólfshaga og er sammæðra Héðni frá Feti.  Við bindum vonir við að hann skili góðum afkvæmum á næsta ári. Þá er ekki síður spenningur fyrir afkvæmum þeirra hesta sem ekið var með merar til á þessu ári.

Auk Baldurs notuðum við í sumar Kapal frá Kommu, Hring frá Fellskoti, Blæ frá Torfunesi og fjóra gráa stóðhesta.

Nánar...

Góðar fréttir af Otra

27. ágúst 2010

Gæðingurinn Otri hefur verið á vist hjá Daníel Inga Smárasyni, sem á hálfbróður hans. Eru þeir félagar að undirbúa sig fyrir skeiðkeppnir og fimmgangskeppnir á næsta ári. Otri hefur aðeins farið í brautina í ár, meðal annars á Íslandsmótinu í Hafnarfirði. Þar tóku þeir félagar þátt í Gæðingaskeiðinu og fyrri sprettur Otra var mjög góður, en sá síðari heppnaðist ekki nægilega vel. En hraði og útgeislun hestsins gefur góð fyrirheit um það sem koma skal. Árið 2011 verður árið hans Otra, og auðvitað Daníels Smára líka

Daníel Ingi Smárason og Otri vekja athygli hvar sem þeir koma.

Folöld, folöld, folöld!

25. ágúst 2010

Alla ræktendur hlakkar til vorsins, að sjá folöldin nýköstuð og kynnast þeim fyrstu dagana. Þetta árið fengum við 12 folöld, undan Aron frá Strandarhöfði, Þóroddi frá Þóroddstöðum, Fróða frá Staðartungu og auðvitað stóðhestefninu Þrym frá Húsafelli (sem hefur verið seldur út).

Folöldin undan Þrym frá Húsafelli, Álfasteinssyni og Móeiðar frá Álfhólum koma vel út, sem og önnur.

Mynd1 frá vinstri: Dögun, undan Yddu og Alvari frá Brautarholti, og ónefndur jarpur hestur undan Þrym og Glóblesu, sýna myndasmið mikinn áhuga.

Mynd 2: Fyrstuverðlaunahryssan Griffla frá Geitaskarði með sitt fyrsta afkvæmi, Myrkva – undan Fróða frá Staðartungu.